Тунемаш колтымо еҥ- влак шинчымаш дене пӧртылыт
«Целевик»- влак республикыш пӧртылыт. Республикысе клинический эмлыме верыште элысе медицина вузлам тунем пытарыше- влак дене тазалыкаралтыш министерствын еҥышт вашлийыныт. Тений республикыш лӱмын тунемаш колтымо 95 самырык специалист пӧртылшаш. Нуно Озаҥыште, Кировышто, Ижевскыште, Чувашийыште, Пермьыште да Йошкар-Олаште шинчымашым налыныт. Нунын кокла гыч 56-шо лечебный факультетым тунем пытарен, 30 еҥ- педиатрическийым, 3- стоматолгическийым, 5- фармацевтическийым, ик еҥ медико-профилактический шинчымашым налын. Чыла выпускник кокла гыч 71 еҥже ординатурышто умбакыже тунем кертеш. Лач тынар верым Российысе тазалыкаралтыш министерстве республикылан ойырен.
Кызыт республикыште врач- влак огыт сите. Марий Эллан 365 доктор кӱлеш. Мутлан, 46 анестезиолог-реаниматор, 42 участковый терапевт, вашке полышлан 20 врач, 20 участковый педиатр, 16 акушер-гинеколог, 15 рентгенолог, 12 ЛОР- врач ок сите. Тазалыкаралтыш министр Марина Панькова кадр ситыдымаш нерген ойлен, отрасльын структурыж дене палдарен, медицина организаций вуйлатыше- влак дене палдарен, вара кажне выпускник дене посна мутланен. Икмыняр самырык врач районлаш участковый терапевт да педиатр семын пашам ышташ кая. У доктор- влак Козьмодемьянскысе, Волжск оласе, Параньга, Медведево да Советский рӱдӧ эмлыме верлаште ешаралтыт. Ординатурышто тунеммеке республикыш кок ий гыч травматолог, неонатолог, акушер-гинеколог, анестезиолог, невролог да моло специалист- влак пӧртылыт.
Кызыт республикыште врач- влак огыт сите. Марий Эллан 365 доктор кӱлеш. Мутлан, 46 анестезиолог-реаниматор, 42 участковый терапевт, вашке полышлан 20 врач, 20 участковый педиатр, 16 акушер-гинеколог, 15 рентгенолог, 12 ЛОР- врач ок сите. Тазалыкаралтыш министр Марина Панькова кадр ситыдымаш нерген ойлен, отрасльын структурыж дене палдарен, медицина организаций вуйлатыше- влак дене палдарен, вара кажне выпускник дене посна мутланен. Икмыняр самырык врач районлаш участковый терапевт да педиатр семын пашам ышташ кая. У доктор- влак Козьмодемьянскысе, Волжск оласе, Параньга, Медведево да Советский рӱдӧ эмлыме верлаште ешаралтыт. Ординатурышто тунеммеке республикыш кок ий гыч травматолог, неонатолог, акушер-гинеколог, анестезиолог, невролог да моло специалист- влак пӧртылыт.