Августышто вашке полыш машина ден школ автобус- влак толыт
Российысе кундем- влаклан у вашке полыш машина да школ автобус- влакым августышто кондаш тӱҥалыт. Да тиде паша идалык мучаш марте иктешлалтшаш. Техникым Российысе автопроизводитель- влак деч налыт- ГАЗ, ПАЗ да УАЗ деч. Ондак правительстве тӱжемат 600 вашкеполыш каретылан да ныл тӱжемат 100 школ автобуслан 16 миллиард теҥгем ойырен ыле. Тазалыкралтыш министерствын уверже дене келшышын, коронавирус эпидемийлан кӧра, вашкеполыш станцийлан паша ешаралтын. Кодшо ийын экстренныйлан шотлалтше ӱжмаш- влак 66 процентыш шуыныт. Кодшо ийын июльышто республикын 10 реанимобильым кондымо ыле. А кок тылзе ончыч реанимобильым Шернур рӱдӧ эмлыме вер налын. Кызыт кече еда линийыш 62 автомобиль лектеш. Но 2021-ше 2023-шо ийлаште эше 52 у технике кӱлеш лиеш,- каласен Правительстве председательын икымше алмаштышыже Александр Гречихо.
Школ автобус- влак нерген ойлымо годым тудо рашемден: шинчымашым налаш йӧным ыштымаш, лӱдыкшӧ деч посна да чаткан йоча- влакым школыш кондымаш республикысе правительствын ик эн ончылно шогышо задачыже. Пытартыш ныл ийыште республикыш 150 у автобусым кондымо. Тидыже йодышым шагалемдаш да у маршрут- влакым почаш йӧным ыштен. Но техникын кучылтмо жапше уло, начар корныла денат кудалыштеш, сандене эре уэмдымашым вуча. Кызыт теве 77 машина кӱлеш. Вашкеполыш ден школ автобус паркым уэмдыме йодышым элнан президентше сайлан шотлен. Лишыл кум ийыште элысе ялла ден посёлкылашке да изи олалашке вич тӱжем у вашкеполыш машинам колтат, а школ –автобусым 16 тӱжемым.
Школ автобус- влак нерген ойлымо годым тудо рашемден: шинчымашым налаш йӧным ыштымаш, лӱдыкшӧ деч посна да чаткан йоча- влакым школыш кондымаш республикысе правительствын ик эн ончылно шогышо задачыже. Пытартыш ныл ийыште республикыш 150 у автобусым кондымо. Тидыже йодышым шагалемдаш да у маршрут- влакым почаш йӧным ыштен. Но техникын кучылтмо жапше уло, начар корныла денат кудалыштеш, сандене эре уэмдымашым вуча. Кызыт теве 77 машина кӱлеш. Вашкеполыш ден школ автобус паркым уэмдыме йодышым элнан президентше сайлан шотлен. Лишыл кум ийыште элысе ялла ден посёлкылашке да изи олалашке вич тӱжем у вашкеполыш машинам колтат, а школ –автобусым 16 тӱжемым.