Тӱҥ задаче- коронавирус ваштареш вашкерак тӱшка иммунитетым ыштымаш, - каласен Александр Евстифеев

             Тӱҥ задаче- коронавирус ваштареш вашкерак тӱшка иммунитетым ыштымаш, - каласен Александр Евстифеев. Марий Элым вуйлатыше кундемыштына у чер ваштареш вакцинацийым ыштыме йодыш дене пашаче совещанийым эртарен. Прививке кампанийын кузе кайымыже нерген докладым тазалыкаралтыш министр Марина Панькова ыштен. Тудын мутшо почеш, 13-шо июльлан республикыш 13 тӱжемат 500 комплект вакцине толын. Тудым район- влак коклаште шеледыме. Вакцинацийын планжым кызытеш 31 процентлан шуктымо. Прививке дене утларак калыкым Оршанке, Юрино, Шернур, У Торъял районлаште да Йошкар-Олаште авалтыме. 60 ияш деч кугурак- влак коклаште икымше компонентшым 38 тӱжем утла еҥ ыштыктен. Министрын мутшо почеш, кызыт самырык- влакат кумылым ончыктат. Тичмаш налмаште вакцинаций темп ешаралтын.                    Республикым вуйлатыше прививкым ыштыше еҥ- влакын данныйыштым  жапыштыже регистрыш пуртен шогаш кӱштен. Кызыт регистрыш пуртымо деч шукырак еҥ ыштыктен манын тудо. Александр Евстифеев эше ик темым тарватен. Ен- влак привикым ышташ шонат, но антителашт уло. Тидланат вуйым шийыт: прививке деч ончыч тестированийыш колтат. Кӧ тидым шонен луктын? Российын тазалыкаралтыш министерствыже вес шонымашан. Эше антителат уло гын, прививке деч поснат илаш лиеш, маныт южо врач- влак. Тидыже федерал практике ваштареш кайымаш лиеш. Задаче- тӱшка иммунитетым вашкерак ыштыман. Глава тидымат ешарен: кумылан- влаклан ревакцинацийым ыштымашат пеш кӱлешан йодыш.