Сардаялыште у школ лиеш
Марий Турек районысо Сардаялыште 60 верлан школым чоҥаш тӱҥалме. Тидын нерген район администраций увертарен. У школышто 60 йоча тунемаш тӱҥалеш. Туштак 20 верлан школ деч ончычсо группо тунемшаш. Школым чоҥаш аукционым майыште увертарыме ыле. Школым чоҥаш тӱрлӧ кӱкшытан бюджет гыч 175 миллион теҥгем ойырымо. Кызыт тунемше- влак революций деч ончыч чоҥымо школыш коштыт.