Вакцинацийым эртышаш 33 процент еҥ прививкым ыштыктен
Республикыштына коронавирус деч калыкым вакцинироватлаш палемдыме чот деч ик кумшо ужашыже прививкым эртен. Роспотребнадзор виктемын уверже почеш республикыштына 104 тӱжемат 908 еҥлан прививкым ыштыме. Тидыже палемдымын 33 процентше лиеш. А тӱшка иммунитетым ышташ 316 тӱжемат 421 еҥлан вакциным ыштыман. Прививкым эн шуко 36 гыч 59 ияш марте еҥ- влак ыштыктеныт- 47 тӱжемат 943 еҥ, але вакцинироватлалтше еҥын 45 процентше. 18 гыч 23 ияш марте 15 тӱжемат пеле, 60 деч кугурак ийготан- влак 41 тӱжем але 39 процент еҥ эртеныт. Кок компонетшымат шындыктыше еҥ- влак 71 тӱжем наре улыт.