Республикым вуйлатыше Юрино посёлкышто стадионым почын

             Республикым вуйлатыше Юрино посёлкышто стадионым почын. Александр Евстифеев Юрино посёлкысо калыкым у спорт объектым почмо дене саламлен да икымше куштылго атлетика стартлан тӱҥалтышым пуэн. Кызытсе жаплан келшыше у спорт объект «Спорт- илышын нормыжо» проект кышкарыште чоҥалтын. Тудын акше ик миллион теҥге лийын. Стадионышто ужар шудан кугу футбол пасу, волейбол да баскетбол площадке, куржталме корно, кужытыш да кӱкшытыш тӧрштылмӧ вер, рончыман да погыман трибуна, автостоянке улыт. Спортплощадкылаште синтетик шартышым пыштыме. Стадион кумдыкым светодиодан лампе- влак волгалтарат. Стадионым торжественно почмо деч вара Глава площадке- влакым ончен лектын. Икмынярыштыже тренировка- влак эртаралтыт. Республикым вуйлатыше тыге каласен: мемнан районлаште уста футболист- влак кушшаш улыт, тунам вара тӱнямбал первенствылаште сеҥаш тӱҥалына. Мучашлан тудо спортсмен- влаклан сеҥымашым тыланен да сетке ден мече- влакым пӧлеклен.

Прошлые выпуски