Йошкар-Оласе рӱдӧ каныме парк эшеат сылнырак лиеш

              Йошкар-Олаште тӱвыра да каныме паркым тӱзландарыме паша умбакыже шуйна. Кызыт тӱшка кумдыкым сӧрастарат. Чыла паша «Йӧнан оласе кумдыкым ыштымаш» федерал проект почеш шукталтеш. Тиде кумдык верч оласе ятыр калык шке йӱкшым пуэн. Еҥ- влакын ойырен налмыштлан кӧра паркыште эше ик каныме вер ышталтеш. Тудо йоча, спортсмен, чолга канышым йӧратыше- влакланат келшышаш. А йолын каналтен кошташ йӧратыше- влаклан пушеҥге ӱмылыштӧ чатка тротуар, мебель лийшаш.  Подряд организаций тымарте бордюр кӱым вераҥден, асфальтым шараш тыгыде кӱм пыштен. Спорт площадкым монтироватлыме. Тидын годымак кукшо укш- влакым да уто куштырам кораҥдат.

Прошлые выпуски