Республикыштына сӧсна- влакын африкан чума черыштым рашемдыме
Республикыштына сӧсна- влакын африкан чума черыштым рашемдыме. Курык марий районысо Красный селище ялыште колышо сӧсна- влакын кӧргӧ органыштым шымлыме годым чуман очагшым рашемдыме. Инфекций лекмылан кӧра районышто Чрезвычайный ситуаций режим пурталтеш. Чер шарлыме йырым-йыр 20 меҥге кумдыкыш Пайскырык ял илем муниципальный образований пура. Тушто 27 ял шотлалтеш. Тыгак эше Йоласал илемысе 12 ялыште чарымаш пеҥгыдемдалтеш. 20 меҥге кужыт зоныш Микряк да Эман ял илем- влак пурат. Тыге эше 29 ялыште карантин пурталтеш.