Марий Элым вуйлатыше коронавирус инфекций ваштареш тӱшка иммунитетым ышташ задачым шынден

              Марий Элым вуйлатыше Александр Евстифеев коронавирус инфекций ваштареш республикыште тӱшка иммунитетым ышташ задачым шынден. Тудо ик гана веле огыл совещанийлаште вакцинацийын кӱлешлыкшым палемден да предприятий ден организацийлам вуйлатыше- влалкан шке пашаеҥыштлан вакцинацийым ышташ темлен. Теве ик сай пример семын Сбербанкым ончыкташ лиеш. Тудын 80 процент сотрудникше Ковид деч вакцинацинацийым эртен. Тушто прививке кампаний умбакыже шуйна. Молан манаш гын, южыжо эше ик компонетым гына шындыктен. Пандемий тӱҥалме годсек Сбербанк пашаеҥже- влакым да банкыш толшо- влакым чер деч аралаш чыла мерым шуктен шога. Сотрудник- влак маске да перчатке дене пашам ыштат, ӱстембалне санитайзер- влак шогат. Толшо- влакымат маскым чияш йодыт, уке гын, шке пуат. Пашаеҥ- влак прививкым паша жапыштак ыштен кертыт, кӱлеш лиеш гын, прививке кечын але вес кечынже тӱлыман каныш кече пуалтеш. Тыге гына, шке пашаеҥ нерген тургыжланен, клиент ден партнёр- влакым арален кодаш лиеш.
                Республикышке эше ик у тӱшка Гам-Ковид-Вак вакциным кондымо. Тиде гана шым тӱжемат 800 комплектым. Таче кечылан чылаже 115 тӱжемат 486 дозо вакцине толын, прививкым 106 тӱжемат 984 еҥ ыштыктен. Нунын кокла гыч 73 тӱжемат 400 утлаже тичмаш курсым эртен. Инфекций дене ситуаций республикыштына куштылго огыл. Кызыт инфекций стационарлаште тӱжемат 96 еҥ эмлалтеш, тушечын 186 еҥже нелын черланыше улеш, 49 еҥже ИВЛ дене пайдалана.