Таче мусульман йӱлам кучышо- влак Курбан-байрамым палемдат

                  Таче тӱнямбалсе мусульман йӱлам кучышо- влак Курбан-байрамым палемдат. Республикыште илыше мусульман- влакым тиде пайрем дене Марий Элым вуйлатыше Александр Евстифеев саламла. Курбан-байрам чын исламын эн шергыжым ончыкта: порылыкым, полшаш кумылым, воктелсе еҥым йӧратымашым. Мусульман- влакын ик эн аклыме пайремыштлан шотлалтеш. Тудо могай калык гыч улмым ончыде, икте весым пагалаш туныкта. Марий кундемыште келшен да ик ой дене тӱрлӧ йылман да тӱрлӧ юмынйӱлам кучышо еҥ- влак илат. Нунын калыкле тӱвыра поянлыкыштым арален кодаш да вияҥдаш республикын правительствыже иктӧр йӧным ышта. Кундемнан илышыштыже мусульман калыкат чолган участвоватла. Республикыште илыше чыла мусульманлан пеҥгыде тазалыкым. Тыныслыкым да улан илышым тыланем, - ойлалтеш республикым вуйлатышын саламлымашыштыже.