Йошкар-Олаште автовокзал ден аэропорт коклаште транспорт кылым ыштат

                  Йошкар-Олаште автовокзал ден аэропорт коклаште транспорт кылым ыштат. Транспорт министерствын транспорт комплекс пӧлкажын консультантше Алёна Григорьева кугу транспорт йӧн- влак коклаште кылым ыштыме нерген ойлен. У автовокзалым чоҥымо йодышым калык коклаште кумдан каҥашышт, ынде кӱртньӧ корно вокзал, автовокзал да аэропорт кокласе кыл нуным тургыжландара. Консультант умылтара: Республикысе Автовокзал ГУП дене контарктым ыштыше перевозчик- влаклан автобусым колтымо верым у автовокзалыш кусараш темлыме лиеш. Перевозчик у автовокзалыш куснаш келша гын, муниципал маршрут- влакын схемышт пужен ышталтеш. Тиддеч посна калыклан йӧнан лийже манын, оласе транспортын у автовокзал марте коштмо тӱшка траснпорт схемыже ышталтеш. Тудын ик эн оҥайже теве мо: у транспорт схема у автовокзалым кӱртньӧ корно вокзал да аэропорт дене ушен шогаш тӱҥалеш.