Звениговышто изи сӱрет галерей лиеш
Звениговышто районысо сӱретче- влакын изи сӱрет галерейышт лиеш. Верысе краевед тоштерыште «Илыш радына» проектым ямдылат- изи галерейым. Тидыже тӱвыра да турист- влаклан ончыктымо объект лийшаш да районышто сӱрет тӱвырам вияҥдаш негыз лиеш. Кызыт пырдыжым сӱрет- влакым вераҥдаш келыштарен пытарыме. Ончылно экспозицийым сӧрастарымаш вуча. Сӱрет галерейым Республикын кечыжлан, нылымше ноябрьлан почаш ямдылат.