Республикыштына кум тылзыште 18 йоча аярген

                  Республикыштына кум тылзыште 18 йоча аярген. Роспотребнадзор виктемын ончыктымыж почеш тенийсе кокымшо кварталыште Марий Эл мучко сурт кӧргышто химикат дене 127 еҥ аярген. Нунын кокла гыч 64 еҥже илыш дене чеверласен. Ойыркален ончалаш гын, углерод окись, коваштым шулыктарыше  да рашемдыдыме вещества дене 44 еҥ аярген, 22-шо колен. 41 еҥ спиртан вӱд дене, тушечын 30-жо тӧрланен огыл, тӱрлӧ эм дене 28 еҥ, кокытшо колен, наркотикан вещества дене 14 еҥ, 10 еҥже ӱмыр лугыч лийын. чыла аяргыше кокла гыч 68 процент утлаже пӧъеҥ, 31 процент утлаже ӱдырамаш улыт. Социал положений дене ончалаш гын, 43 процентше пашадыме, 22-шо пенсионер, 19 наре процентше пашам ыштыше, 7 процент шала кошташ йӧратыше йоча, вич процент- школышто тунемше, ик процентат пеле гыч йоча садыш коштшо, техникум, училище, вузлаште тунемше- влак улыт. Ийгот шот дене лончылаш гын, тыге лектеш: 26-29 ияшыже 32 еҥ, 40-49 ияш- 29, 60 да кугурак ийготан- влак-24, 50-59 ияш- 20 еҥ, 0 гыч 6 ияш марте 10, 7 гыч 17 ияш- 8, 18 гыч 25 ияш марте ныл еҥым регистрироватлыме.

Прошлые выпуски