Парашют спорт дене Марий Элын командыже сеҥышыш лектын
Парашют спорт дене Россий кӱкшытан таҥасымаште Марий Элын командыже сеҥышыш лектын. Таҥасымаш каныш кечылаште Медведево район кундемыште эртен. Турнир элысе 12 регион гыч 45 вӱдышӧ спортсменым чумырен. Нунын кокла гыч эн талыже- Марий Элын командыже лийын. Кокымшо ден кумшо верым Ульяновск область дене Татарстан республикын командышт налыныт. Абсолютный первенствыште сеҥышыш Ульяновск область гыч спортсмен лектын. Кокымшо вер Башкортостанын участникшылан логалын. Кумшо верым Марий Эл гыч Ольга Сысоева налын. Тиде таҥасмыаш республикыште кокымшо ий эртаралтеш. Тудо Российын Геройжо, гвардийын подполковникше Марк Евтюхин да парашют-десант полкын 6-шо ротыжлан пӧлеклалтын.