Йошкар-Олаште йӱштылмӧ верлам тергеныт

                Йошкар-Олаште полиций пашаеҥ- влак мер пашаеҥ-шамыч дене пырля Ширяйково микрорайонышто «Кечывалвел» пляжым тергеныт. нуно каныше- влак дене мутланеныт да нунын лӱдыкшыдымылык правилым кузе шуктымыштым онченыт. Мероприятий «Йоча жапын лӱдыкшыдымылыкшӧ» акций кышкарыште эртен. Тудо йоча да ийготыш шудымо- влак дене вӱдыштӧ туткар ынже лий манын эртаралтеш. Тыгай рейд- влак кок тылзе мучко шуйнат. Пляжым тергыме годым чарыме верлаште да кугыеҥ- влакын эскерымышт деч посна йӱштылшӧ йоча- влакым ужыныт. Нунын ача-авашт дене умылтарыме пашам эртарыме, лӱдыкшӧ нерген шижтарыме. Тыгай рейд- влак умбакыжат эртаралташ тӱҥалыт.