Следователь- влакын пайремышт лиеш
Рушарнян 25-ше июльышто следствий органын пашаеҥже- влакын кечышт палемдалтеш. 1713-шо ийын 25-ше июльышто Пётр Первыйын «Гвардий майор Волконскийын следственный канцелярийжым ыштыме нерген» именной указше лектын. 2013-шо ийын 27-ше августышто Россий Правительствын пунчалже почеш 25-ше июльым Россий Федерацийын следствий органжын сотрудникше- влакын кечышт семын пеҥгыдемдыме. Тенийсе икымше пелийыште Следствий комитетын республикысе следствий виктемжын 40 следовательже осал паша нерген тӱжемат 348 увер почеш тергымашым эртареныт, 276 уголовный пашам шымленыт. Ыштыме мера почеш кок миллионат пеле теҥге кондымо эҥгекым пӧртылтымӧ, 5 миллионат 900 тӱжем теҥгеаш погым арестоватлыме.