Йошкар-Олаште урем-корнын 42 ужашыжым олмыктымо лиеш

                Йошкар-Олаште калыкле проект почеш  урем-корнын 42 ужашыжым олмыктымо лиеш. Йошкар-Ола мэрын икымше алмаштышыже Антон Трудинов «Лӱдыкшыдымӧ качестван корно» калыкле проектым шыҥдарыме йодыш дене пашаче совещанийым эртарен. Тушто «Марийскавтодорын», проект организацийын, заказчик службын еҥышт лийыныт. Каҥашымашке проектироватлыме, техник да конкурс документацийым ямдылыме йодыш- влакым лукмо. Корно пашазе- влакын тӱткышышт магистраль корно деке гына огыл, моло изирак  корно декат виктаралтеш. Паша Кремль, Осипенко, Чехов уремлаштат шукталтшаш. Нуно кужу огытыл гынат, тушто транспорт шуко коштеш. Тичмаш налмаште олаште 42 корно ужашым олмыктышаш улыт. Тиддеч посна корно пашан тичмаш циклжым шукташ кӱлмӧ 
верлаштат олмыкташ окса ойыралтеш. Сандене иктешлыше лектыш лийже манын, планированийым тыге келыштарен ыштат. Мучашлан, сетевой организаций-влак ончылно тиде арнян корныласе вынем- влаклан ревизийым ышташ кӱштымӧ. Тидыже проектироватлыме марте озадыме люк- влакым рашемдаш полшышаш.