«Лӱдыкшыдымӧ качестван корно» калыкле проект почеш пашам 2023-шо ийыште мучашлаш шонат

                  «Лӱдыкшыдымӧ качестван корно» калыкле проект почеш мероприятий-влакым 2023-шо ийыште мучашлаш шонат. Марий Элым вуйлатыше Александр Евстифеев Российыште регионлам вияҥдыме шотышто Правительство комиссий Президиумын видеоконференций йӧн дене эртарыме совещанийыштыже участвоватлен. Тудым Правительстве Председательын алмаштышыже Марат Хуснуллин эртарен. Повесткыш корным чоҥымо дене кылдалтше йодыш- влак пуреныт. Вице-премьер ушештарен: кодшо арнян элнан Президентше Владимир Путин калыкле проект- влак шотышто заседанийым эртарен ыле. Тудо тӱрлӧ процедурым куштылемдыме, паша лектышым кугемдыме нерген ойлен. Марий Элыште тенийлан 100 процент контрактым ыштыме. Акше кок миллиардат 300 миллион теҥге. Тиде- тичмаш финансированийын 50 процентше лиеш. Йошкар-Олаште Водопроводный, Суворов, Оршанке шоссе, Шернур тракт, Серов, Эшкинин уремлан ужашыштыже пашам мучашлыме, Яльчикский- Яльчик, Картук- Микрак-Васильсурск корнылаште пашам шуктымо. Александр Евстифеевын кӱштымыж почеш шушаш ийланат чыла ойпидышым кылдыме: 35 объект гыч 33-шо дене контрактым ыштыме. 2023-шо ийысе объект- влак шотышто проект да смете документацийым 90 процентлан ямдылыме, 46 объект гыч шымытшылан контрактым пеҥгыдемдыме. Тыге «Лӱдыкшыдымӧ качестван корно» калыкле проектын мероприятийже- влакым 2023-шо ийыште мучашлаш палемдыме.

Прошлые выпуски