Крымыште шочмо йылмым туныктымо йодышым каҥашыме

                    Крымыште шочмо да руш йылмым туныктышо- влакын кеҥежымсе тӱнямбал школышт эртен. Ялтыште школым шочмо йылмым туныктышо- влакын профессионал компетенцийыштым  вияҥдаш эртаралтын. Тушко Элысе 20 кундем гыч 40 туныктышо погынен, тыгак Беларусь да Донецк калык республике гыч лийыныт. Марий Эл гыч тушко Палантай лӱмеш колледжын калыкле сымыктыш гимназийыштыже Марий йылме ден сылнымутым туныктышо Лидия Иксанова ден Курык марий районысо Йоласал школышто марий йылме ден сылнымутым туныктышо Татьяна Данилова миеныт. Школышто кажне туныктышо мастер-классым эртарен. Лидия Геннадьевна марий да руш йылме да литература дене интегрированный урокын методик разработкыжым ончыктен да «Марий литература урокышто тӱвыра- влакын диалогышт» мастер-
классым эртарен. Туштак  симпозиум лийын. Тушто йылмым туныктымо, шочмо йылме дене туныктышо кадр, тунемме книга ситыдымаш нерген пӱсын ойлымо. Кеҥежымсе школын лектышыже почеш чыла туныктышылан сертификатым кучыктымо.

Прошлые выпуски