Республикыштына турист паша утларак воранен толеш

            Республикыштына турист паша утларак воранен толеш. Марий Элым вуйлатыше Александр Евстифеев Российыште туризмым вияҥдыме шотышто Правительстве комиссийын заседанийыштыже участвоватлен. Тудым Россий Правительстве председательын алмаштышыже Дмитрий Чернышенко эртарен. Элысе кундемлаште туризмым вияҥдыме нерген ойлымо. Республикыштына туризм паша вияҥын толеш. Тидлан амалым Козьмодемьянскыш толшо круиз теплоход- влакат пуат. Кугу тӱткыш туризм корным вияҥдымаште Морко районышто шукталтеш. Тушто ыштышаш паша- влакым палемдыме. Тенийсе икымше пелийыште республикышкына 220 тӱжем утла турист ден экскурсант толын каен. Ончыкыжым турист- влак эшеат ешаралтшаш улыт. Тидлан Юрино- Сумки села коклаште коштшо паромат йӧным ыштышаш. Республике тыгак Правительствын полшымыж дене «Юл кундемыште ойыртемалтше каныш кече- влак» округысо проектыш ушнен. Тидыже кӱртньӧ корно туризмлан вияҥаш йӧным пуа. 10-шо апрельыште Йошкар-Ола икымше турист поездым вашлийын. Кызыт республикысе 14 турист организаций эл кӧргӧ туризмлан кумылаҥдыме (турист кэшбек) программыште пашам ыштат. Турбизнес грант полышлан конкурслаште вийжым терга. Кум проект 8 миллиоант 500 тӱжем теҥгем сеҥен налын. Тыгак турист инфраструктура вияҥдалтеш.