Нылымше номеран колоний медицина пашаеҥ- влаклан спецвургемым урга

                     Республикыштына нылымше номеран колонийыште медицина пашаеҥ- влаклан спецвургемым ургаш тӱҥалыт. Тиде кечылаште марий УФСИН-ым вуйлатышын алмаштышыже Николай Шабалин противотуберкулёз диспансерым вуйлатыше- влак дене вашлиймашым эртарен. Тушто медицина пашаеҥ- влаклан нылымше колонийыште ыштен лукмо спецвургем комплект- влакым ончыктеныт. УИС-ын производственный службыжо кугу промышленный предприятий- влак дене гына огыл, кугыжаныш да муниципал организацийла денат кылым куча. Мутлан, тенийсе икымше пелийыште исправительный тӧнеж- влак тыгай заказчик- шамычлан ик миллион наре теҥгеаш полышым пуэныт. А тидыже петырымаште шинчыше 22 еҥлан пашаверым ситараш полшен. Диспансерын вуйлатышыже- влак УФСИН-ыш йодмаш дене шке лектыныт, молан манаш гын, тиддеч ончыч оласе эмлыме верлан заказым чаплын шуктеныт. Ынде производственник- влак костюмын образецшым ямдылат да вара вияш ойпидышым кылдат. Нылымше колоний тиде йодмашым шукташ тӱҥалеш. Вашлиймаште вашкылын моло йӧнжымат каҥашеныт. Мутлан, колонийыште ямдылыме консервироатлыме кочкышым эмлыме верын столовыйышкыжо колтымо, кудымшо колонийыште лукмо шарыман окна решоткам ямдылыме да шындыме нерген мутланыме.