Ленин лӱмеш тӱвыра полатыште ачалыме паша кая
Йошкар-Олан мэрже Евгений Маслов Ленин лӱмеш тӱвыра полатыште ачалыме паша кузерак кайымым терген. Администраций ачалыме пашалан 2 миллион пеле теҥгем ойырен. Тышеч миллионат 500 тӱжем теҥгем тӱвыра полатым тӧрлаш, молыжым полат йырысе кумдыкым тӱзаташ ойыреныт. Тачысе кечылан скейт-площадкым тӧрленыт. Тӱвыра полатыште олмыктымо паша шошымак тӱҥалын. Техзаданий почеш тушто кокымшо пачашыште коридорым тӧрлат, кӱварыш плиткым пыштат, гримерный ден кабинетлаште кӱварым тӧрлат, спорзалыште у светодиод лапме-влакым сакат, сценыште - проекторым. Шушаш жапыште Труженник-влак аллейым тӱзаташ палемдыме. Тидлан 730 тӱжем теҥгелан 14 теҥгыл ден 11 урным налме.