"Точка роста" кушкаш полша
Республикысе районлаште «Точка роста» рӱдер-влак ешаралтыт. Ушештарена: тудо «Туныктымаш» калыкле проектыш пура да школлаште материально-технический базым пойдараш полша. Тушто йоча-влак шке моштымыштым келгемдат, ешартыш шинчымашым налыт. 1-ше сентярьыште Шернур районышто кокымшо тыгай рӱдер почылтшаш. Икымшыже райрӱдысӧ икымше номеран школышто верланен, кокымшым Кукнур селасе школышто ыштат. Июль тӱҥалтыште рӱдерлан ойырымо кабинет-влакым олмыктымо паша тӱҥалын.