Эше ик спорт фестиваль

Советский поселкышто «Экстрим» каныме базыште тазалык шотышто начарын вияҥше-влак коклаште республика кӱкшытан спорт фестиваль эртен. Тудым Российысе инвалид-влак ушемын регионысо пӧлкаже эртарен. Фестиваль 32-шо Олимпийский модмашлан пӧлеклалтын. Эн виян да тале команда лӱм верч 10 район таҥасен. Нуно дартсыште, весела стартыште, пневматика пычал гыч лӱйкалымаште, мечым кышкымаште да спортын моло видыштыже таҥасеныт. А сеҥышыш Шернур районын командыже лектын.