Спорт – илышын нормыжо
Республикым вуйлатыше Александр Евстифеев «Спорт – илышын нормыжо» регионысо проектын илышыш пурталтмыже шотышто погынымашым эртарен. Паша кузерак кайыме нерген докладым Марий Элысе спорт министр Лидия Батюкова ыштен. Тудо палемден: физкультура ден спортым вияҥдаш республикысе правительстве могырым кугу полыш шижалтеш. Районлаште спорт инфраструктура вияҥеш, спорт объект-влакын материально-технический базышт уэмеш. Идалык мучаш марте 13 спорт сооруженийым пашашке колтышаш улыт. Нунын коклаште Приволжский посёлкышто физкультура да спорт комплекс, Юринышто да Козьмодемьянскыште о стадион-влак. 6 районышто ухоккей коробко-влакым ыштат. 1-ше сентярьлан Волжскышто ФОК_ым чоҥен шуктышаш улыт. Сентябрь кыдаллан Красногорский поселкышто чапле футбол пасу, тылзе мучашлан Оршанкыште ГТО площадка лиеш. Тыгак республикыште талантан спортсмен-влаклан посна полыш пуалтеш. Тений 7 еҥлан ешарен тӱленыт. Марий Элым вуйлатышын палемдымыже почеш, проектын тӱҥ шонымашыже - спорт дене пеҥгыде кылым кучышо-влакын чотыштым кугемдаш. Сандене спорт объект-влак калыклан йӧнан лийшаш улыт.