Тений 31 еҥ вӱдыш пурен каен
Пытартыш данный- влак почеш республикысе ер ден эҥерлаште 31 еҥ вӱдыш пурен каен. Нунын кокла гыч визытше йоча- влак улыт. Кодшо ий дене таҥастарымаште ЧП ешаралтын. Ӱмаште 23 еҥ ӱмыр лугыч лийын ыле. Тидлан шокшо игече шогымашат амалым ышта. Но МЧС-ын пашаеҥже- влак чыла лӱдыкшыдымылык мерым шуктен шогаш ӱжыт. Лач палемдыме верлаште гына йӱштылман, аракам подылман огыл, изи йоча- влакым эре эскерен шогыман.