Таче Юж десант войскан кечыже палемдалтеш

                Таче Юж десант войскан кечыже палемдалтеш. Тушто кызыт службым эртыше да ветеран- влакым тиде пайрем дене Марий Элым вуйлатыше Александр Евстифеев саламла. Десант войска чынжымак мемнан армийын кугешнымашыже улеш. Шулдыран пехотын боецше- влак патырлык, кӧргӧ куат, чытымаш, кеч-могай татыште элым аралаш тавадаҥ шогалаш ямде улмышт дене ойыртемалтыт. ВДВ-н поджразделенийже- влак утларак неле боевой операцийым эртарен кертмышытым ик гана веле огыл пеҥгыдемден ончыктеныт. Кугу Ачамланде сар жапыштат воин –десантник- влак тушманым жапыштыже кырен шалатен сеҥымашым кондаш полшеныт. Республикыште шочшо ятыр пӧръеҥ Юж десант войскаште служитлен. Шуко еҥлан палыме улеш Российын Геройжо Марк Евтюхинын лӱмжӧ. Тудо ротыж дене пырля 2000-ше ийыште Аргун курык коклаште герйола вуйжым пыштен. ВДВ-н ветеранже- влакат кугу сар да верласе кучедалмаш нерген историй шарнымашым арален кодымашке кугу надырым пыштат. Чылалан пиалым, пеҥгыде тазалыкым, ончыкылан ӱшаным да у сеҥымаш- влакым тыланем,- ойлалтеш республикым вуйлатышын саламлымашыштыже.

Прошлые выпуски