Российын Почтыжо кагазым аныкла

                 Россий Почтын электрон увертарымаш сервисше кагазым шагалрак кучылташ йӧным ыштышаш. Лишыл ийлаште Российын Почтыжо кагазым 40 процентлан шагалрак кучылташ шона. Мутлан, кодшо ийын тудо лу тӱжем тонн кагаз дене пайдаланен гын, 2025-ше ийлан тудо 6 тӱжем тонн марте шагалемшаш. Клиент- влак дене пашам ыштыме годымат кагазым шагалрак кучылташ палемдыме. Тидлан цифран сервис полшышаш. Тушечын иктыже- почтышко  иктаж бандероль, посылке але шергакан серыш толмо нерген клиентлан электрон увертарымашым колтымаш. Тиде полышым мобильный приложенийыште шке чӱкташ лиеш. Тунам увер почто яшлыкыш огыл, а электрон почтыш, але СМС увер семын толеш.
Россий Почтын фотожо.