Изи Какшан эҥер серыште кужун чоҥалтше пӧртын пӱрымашыже рашемын
Йошкар-Олаште Изи Какшан эҥер серыште кужун чоҥалтше пӧртын пӱрымашыже рашемын. Тиде Эшкинин уремыште «Мыйын документем- влак» рӱдер пелен шогышо зданий нерген ойлалтеш. Олан мэрже Евгений Масловын мутшо почеш, тиде пӧртым посна еҥлан шерге ак дене ужалыме. Ынде тушто айти-проект (университет) верланышаш. Кызыт олмыктымо паша кая. Тыгеже кумылым волтышо да йоча- влаклан лӱдыкшым лукшо эше ик зданийлан шагалрак лиеш. Тиде оза тыгак Гоголь уремысе 9-ше аварийный пӧрт олмеш школым чоҥа. Кызыт тошто пӧртым кораҥдат. Умбакыже паша писын кайышаш.
Анастасия Петрован фотожо.
Анастасия Петрован фотожо.