Ковид деч 30 еҥ ревакцинацийым ыштыктен

                   Марий Элыште Ковид деч 30 еҥ ревакцинацийым ыштыктен. Кокымшо августлан шотлымаште республикыштына коронавирус деч вакцинын икымше компонентше дене 128 тӱжем утла еҥ прививкым ыштыктен. Тыге планым 40 утла процентлан шуктымо. Жап эртыме дене кокымшо гана вакцинацийым 30 еҥ эртен. Ревакцинацийлан «Спутник Лайт» препаратым кучылтыт. Вакцинаций дене эн шуко калыкым Оршанке, Юрино районлаште, Йошкар-Олаште, Козьмодемьянскыште, Волжскышто, У Торъял ден Шернур районлаште авалтыме. Моло вереже республикысе показатель деч шагалрак. А Волжский ден Курык марий районышто эш шагал ыштыме: 29 да 28 процент гына. Тичмаш курсым 94 тӱжем утла еҥ ыштыктен. Прививке кампаний тӱҥалме годсек республикыш 134 тӱжемат 900 утла комплект  вакциным кондымо.