Кугу йӱрын эҥгекше
Теҥгече республикыштына кугу таул мардежан кӱдырчан йӱр эртыш. Тудо эҥгекымат кондыш: пушеҥге- влак сӱмырленыт, машина ӱмбакат логалыныт, южо леведышымат тӧргалтен кудалтен. Электротулым ситарыме системыште ныл экшык лийын, кокытшым кораҥдыме. Морко районышто кугу вольтан линийыште тул йӧрен. Морко посёлкышто 986 пӧртышто ныл тӱжемат 925 еҥ тул деч посна кодын, ийготыш шудымо- влаклан социал-реабилитаций рӱдерыштат тул йӧрен. Советский районышто 10 ялысе 918 пӧрт, кок тӱжемат 405 еҥ тул деч посна шинчен. Кок экшык контрольышто улеш. Тиде -Медведево район. Тушто 17 илемыште 770 пӧртыштӧ тул уке, кок тӱжемат 463 еҥ тулым вуча. Оршанке районышто 10 ялыште электровоштыр кӱрлын 225 пӧртыштӧ 460 еҥ электротул деч посна кодын.