Кузьма Смирновым шочмо ялыштыже чапландарат

                Калык фронт марий композитор Кузьма Смирнов нерген шарнымашым курымеш кодаш полша. Общероссийский калык фронтын чолга еҥже- влак республикысе тӱвыра министерствыш да Медведево район администрацийыш Шыкмамат ялысе паркыште марий композитор Кузьма Смирновлан бюстым шындаш йодмаш дене лектыныт. Тений июньышто школышто тунемше Софья Архипова Россий Президент, ОНФ-ын лидерже Владимир Путин дене  вияш линийыш возен колтен да ялысе калык лӱмлӧ земляк нерген шарнымашым курымеш кодаш шонен ила манын. Кузьма Смирнов икымше марий симфоний- влакын авторжо, 700 утла марий муро да куштымаш сем- влакым возен. Софья «Кузьма Смирновлан бюстым вераҥдымаш» лӱман проектымат возен, «Фёдоров лудмаш» шанче- практик конференцийыште икымше верым налын. Но окса полышым муын огыл. А вес ийын композиторын шочмыжлан 105 ий темеш. Сандене калык фронтын чолга еҥже- влак йодышым виктарен колтымашке ушненыт. Паркыште верысе калыклан кучем дене вашлиймашым ямдыленыт. Тушто тыге кутырен келшыме: калык верысе администраций дене пырля документым пога, вара комиссий оксам ойырымо да проектын пӱрымашыже нерген решенийым луктеш. Тыге бюстым шынден верысе кумдыкым тичмашын тӱзландараш палемдыме. Лӱмгече датым уэмдыме кумдыкышто, бюст воктен палемдышаш улыт.
Фото: https://onf.ru/