Самырык- влак тӱвыра мероприятийлаш яра коштын кертыт

                   «Пушкинский карте»: самырык тукымым сотемдараш кучем- влак ныл миллиард наре теҥге оксам кучылтыт. Российын Правительствыже кум миллиардат 900 миллион теҥгем театр ден тоштерлаш кошташ «Пушкин карте» программым шыҥдараш кучылтеш. Тыгай распоряженийым правительствын сайтыштыже савыктыме. Тиде программе миллион дене самырык еҥлан сымыктыш произведений да тӱвыра мероприятийлам ончаш йӧным пуа,- каласен Михаил Мишустин вице-премьер- влак дене эртарые совещанийыште. «Пушкин карте»- тиде самырык- влаклан лӱмын ыштыме банк карте. Тудын дене тӱвыра мероприятийлашке билетым налме годым гына тӱлаш лиеш. Тыгай картышке оксам кугыжаныш пышташ тӱҥалеш. Тений кажне картыш кум тӱжем теҥге гыч пыштыме лиеш. Шушаш ийлан тудым кок пачаш ешараш шонат. Картым ямдылаш йодмашым кугыжаныш полыш порталыште личный кабинет гоч икымше сентябрь гыч пуаш лиеш. Тӱҥалтышлан тиде программышке 800 утла федерал, регионласе да частный тӧнеж- влак ушнат.
Фото:  astrahan.bezformata.com