Ковид шотышто утларак ямде улмо режим нерген у Указ ямдылалтеш
Калыкым вакцинироватлымаш да чарыме мера- влак коронавируслан шарлаш чаракым ыштат. Правительстве пӧртыштӧ эртыше совещанийыште эпидемиологий ситуацийым, вакцинацийын кузе кайымыжым да тудлан чаракым ыштыме мера- влакым каҥашыме. Александр Евстифеев палемден: республикыште икмыняр чарымаш умбакыже шуйна. Но Указыште палемдыме жап мучашыш лишемеш. Сандене тиде йодышым каҥашаш кӱлеш.
Роспотребнадзор виктемым вуйлатыше Светлана Булатован мутшо почеш, ситуаций куштылго огыл. Вич арня мучко черланыше- влак ятыр палемдалтыт. Нунын кокла гыч шукыжо, ончычсо семынак, илалше- влак улыт, медицина пашаеҥ- влак коклаште черланымаш шагалемын. Тидыже вакцинацийын пайдаже нерген ойла. Пуртымо чарымаш- влак черлан шарлаш чаракым ыштат. Но черланыше- влакын шагалеммышт ок палдырне. Предприятийлаште тыршыше- влак прививкым ыштыктат. Вакцинаций шотышто пунчал шке лектышыжым пуа. Тудын дене келшышын, икымше компонентым икымше сентябрь марте шындыктышаш улыт. Тунам вара пунчалым кузе шуктымым тергаш тӱҥалына,- каласен Светлана Булатова.
Тазалыкаралтыш министрын алмаштышыже Татьяна Бастракован мутшо почеш, черланыше шуко улмым мыняр еҥым эмлаш пыштымашат ончыкта. Кызыт тӱжемат 490 койко уло гын, 18 процентше гына яра. Лишыл кечылаште 15 тӱжемат 600 дозо вакцине толшаш. Министрын алмаштышыже тидымат каласен: тӱвыра полатыште вакцинаций рӱдерым почмаш темпым кугемдаш да поликлиникылаште черетым шагалемдаш полшен. Республикым вуйлатыше эпидемиологий ситуацийым аклаш да Указын у редакцийышкыже темлымашым ышташ кӱштен.
Роспотребнадзор виктемым вуйлатыше Светлана Булатован мутшо почеш, ситуаций куштылго огыл. Вич арня мучко черланыше- влак ятыр палемдалтыт. Нунын кокла гыч шукыжо, ончычсо семынак, илалше- влак улыт, медицина пашаеҥ- влак коклаште черланымаш шагалемын. Тидыже вакцинацийын пайдаже нерген ойла. Пуртымо чарымаш- влак черлан шарлаш чаракым ыштат. Но черланыше- влакын шагалеммышт ок палдырне. Предприятийлаште тыршыше- влак прививкым ыштыктат. Вакцинаций шотышто пунчал шке лектышыжым пуа. Тудын дене келшышын, икымше компонентым икымше сентябрь марте шындыктышаш улыт. Тунам вара пунчалым кузе шуктымым тергаш тӱҥалына,- каласен Светлана Булатова.
Тазалыкаралтыш министрын алмаштышыже Татьяна Бастракован мутшо почеш, черланыше шуко улмым мыняр еҥым эмлаш пыштымашат ончыкта. Кызыт тӱжемат 490 койко уло гын, 18 процентше гына яра. Лишыл кечылаште 15 тӱжемат 600 дозо вакцине толшаш. Министрын алмаштышыже тидымат каласен: тӱвыра полатыште вакцинаций рӱдерым почмаш темпым кугемдаш да поликлиникылаште черетым шагалемдаш полшен. Республикым вуйлатыше эпидемиологий ситуацийым аклаш да Указын у редакцийышкыже темлымашым ышташ кӱштен.