Республикыштына «Спутник Лайт» вакцине дене кум тӱжем еҥ прививкым ыштыктен

                  Республикыштына «Спутник Лайт» вакцине дене кум тӱжем еҥ прививкым ыштыктен. Ревакцинацийым 130 утла еҥ эртен. Коронавирус инфекций ваштареш тӱшка иммунитетым ышташ манын прививке кампаний чолган кая. Тыгай аралтышым ышташлан 316 тӱжем утла еҥ прививкым эртышаш. Тидыже кугыеҥын 60 процентше лиеш. Вакцинын икымше компонентше дене 132 тӱжем утлаеҥ прививкым эртен, але палемдыме чотын 41 процентше. Нунын кокла гыч «Спутник Ви» дене 126 тӱжем еҥ, «ЭпиВакКорона» дене тӱжемат 200 утла, «КовиВак» дене тӱжемат 400 утла, ик компонентан «Спутник Лайт» дене кум тӱжемат  80 еҥ ыштыктен. Шӱдӧ тужем наре еҥ тичмаш курсым, ревакцинацийым 135 еҥ эртен.
Фото: stavr.samgd.ru