Верысе калык пӱям тӱзландара

         Оршанке районысо Аппаково ялыште пӱям тӱзландарыме шотышто пашаче группо дене вашлиймаш эртен. Тиде ял Отар ялысе сельсовет деч кок меҥге тораште Кодам эҥер воктене верланен. Аппаковошто пӱя уло. Верысе калык тудым тӱзландараш темлымаш дене лектын. Тиде кундемыште кужу шудо кушкын шогалын, архитектура ужаш- влак уке улыт. Верысе пӱя калыклан каналташ, пляж да пожар пирс семын кӱлешан. Сандене тӱзландарыме пашан кӱлешлыкше пеш кугу. А тӱҥалтышым, вучен шинчыде,  калык шкеак ыштен.
         Фотом тун партиын сайтше гыч налме.