6-шо номеран школ эркын уэмын толеш

                 Йошкар-Оласе 6-шо номеран кыдалаш школ у тунемме ийлан ямдылалтеш. Тудым вуйлатыше Евгения Синушкинан мутшо почеш, кызыт школ йыр саварым олмыктымо. Тудым осал шонымашан еҥ- влак шалатен коденыт ыле. Ынде тудо лӱдыкшыдымылык йодмашлан келшен толеш. Кодшо ийын сентябрьыште школ марте шокшо вӱд пучым пыштыме. Тений тудым школ кӧргыш пурташ шонат, кӱлешан контрактым ыштыме. Школым чоҥымо годым тушко ны йӱштӧ , ны шокшо вӱдым пурташ палемдыме огыл улмаш. Сандене кызыт оксам ойырымо да тений шкошо вӱдым пуртышаш улыт. Тыгак идалык мучко икымше ден кокымшо пачашыште окна- влакым пластик окна дене вашталтыме, актовый залыш у омсам шындыме. Ынде кумшо ден нылымше пачашаште окнам вашталташ кӱлеш. Пищеблокышто оборудованийым уэмдаш шонат. Тудым икымше сентябрьлан налшаш улыт.
                  Йошкар-Ола администрацийын фотожо.