Тулсавыш лиеш, но ончышо деч посна

                 Йошкар-Олан шочмо кечынже кавам мотор тулсавыш сӧрастара. Оперативный штабын заседанийыштыже Олан кечыжым палемдыме нергенат ойлымо. Утларак ямде улмо режимым 13-шо сентябрь марте шуйымо, тӱшка мероприятий- влакым эртараш чарыме. Роспотребнадзор виктемым вуйлатыше Светлана Булатова рашемден: Чарла  кремль кӧргышто, содыки петырыме кумдыкышто, тӱжемат 700 наре еҥым поген пайремым эртарымаш черлан трук шарлен каяш йӧным ыштен кертеш. Марий кугыжаныш филармонийым почмылан пӧлеклалтше концерт нерген Булатова тыге каласен: залын пелышкыже гына калыкым шынден, дистанцийым эскерен да маскым чиен эртараш лиеш. А Йошкар-Олан кечынже Пайрем Салютым ончышо- влак деч посна эртараш палемдыме.