Калыкле проект- влакым шыҥдарымылан кӧра Морко районышто социал кӱлешан объект- влакым чоҥат

                 Калыкле проект- влакым шыҥдарымылан кӧра Морко районышто социал кӱлешан объект- влакым чоҥат да пужен ыштат. Районыш паша дене мийымыж годым Марий Элым вуйлатыше Александр Евстифеев Морко посёлкысо очистной сооружийыште лийын, йоча сымыктыш школым капитально олмыктымым ончен да совещанийым эртарен. Очистной сооруженийым тений майыште чоҥаш тӱҥалме да ноябрьлан мучашлаш палемдыме ыле. Но паша ончылгоч шукталтеш, сандене тудым октябрь тӱҥалтышлан ыштен шукташ сӧрат. Пашам 80 наре процентлан шуктымо. Тичмаш акше 62 миллион утла теҥге лийын. Район  администрацийым вуйлатыше Александр Голубковын мутшо почеш, сооружений 600 кубометр вӱдым эрыктен кертеш, но кызытеш 400 кубометрым эрыкташ тӱҥалеш. Тыге посёлкын ончыкылыкшылан шапаш ышталтеш. Республикыцм вуйлатыше тыгак у скважиным буритлыме нерген йодын. Администрацийым вуйлатышын мутшо почеш, кум ялыштат пашам мучашлыме, вӱд уло. Подрядчик объектым сдатлаш документым ямдыла. Александр Евстифеевын ончымо вес объектше- йоча сымыктыш школ. Тудым капитально олмыкташ 8 миллион утла теҥге окса кучылталтеш. Кызыт леведышым вашталтыме, пурымо верым, пандусым, фасадым, отмосткым, пӧрткоклам, вентиляцийым ыштыме, отделка да сантехник сомыл шукталтеш 20-шо августлан пашам мучашлышаш улыт. Глава воктелсе кумдыкымат тӱзландараш кӱштен. Районым ончен лекмек, республикым вуйлатыше иктешлыше совещанийым эртарен. Тушто корным олмыктымо да чоҥымо, посна пӧрт- влакым регистрироватлыме, пӧртым чоҥаш верым ойырымо, школлам олмыктымо, ял озанлык, медицина, инвестиций  йодыш- влакым тарватыме.

Прошлые выпуски