Ежово селаште храмым святитлыме

               Ежово селаште храмлан шнуй шӱлышым пуртеныт. Йошкар-Олан да Марий Элын митрополитше Иоанн Юмын аван «Мироносицкий» юмоҥаже лӱмеш храмыште лийын. Храмым памаш воктене юзо образын кончымо вер воктене чоҥымо. Святитлымаш митрополитым торжественно вашлиймаш гыч тӱҥалын. Тудо храмыш Вифлеемыште орланыше шнуй- влакын кап пырчыштым пуртен. Тудым храмын престолышкыжо пыштыме. Шнуй шӱлышым пуртымо чиным лишыл яллаште илыше- влак да Йошкар-Ола гыч мийыше уна- влак онченыт. Юмылтымаш деч вара митрополит Иоанн юмылан ӱшаныше-влакым куанле событий дене саламлен. У храмым шарнымашан верыште чоҥымо. Тушто 1647-ше ийыште кресаньык Андрей Жолнинлан кӱ гыч пӱчкеден ыштыме Ару Юмынаван образше Мироносице вате- влак дене пырля кончен.
Фото:  marimedia.ru