Сергей Бушковын посна ончерже почылтеш
20-шо августышто Сергей Бушковын посна ончерже почылтеш. Республикысе тӱссымыктыш тоштерыште 15 шагатлан «Жапын лабиринтше» живопись ончерыш мияш лиеш. Тӱрлӧ жапыште ыштыме живопись да графика паша- влак ончыкталтыт. Тушто Йӱдвел да марий калыкын тӱвырашт дене кылдалтше паша- влакат улыт. Молан манаш гын, Сергей Бушков Чукоткышто илышыла тудо кундемым, калыкын историй ден тӱвыражым шымлен. Тудын пашаже- влак Марий Элысе тӱс сымыктыш тоштерыште, Билибино, Певек, Йошкар- Оласе краеведений тоштерлаште аралалтыт. Выставкыш лукмо чыла произведенийжым автор республикысе тӱссымыктыш тоштерыш пуа.