Марий Элысе тулпатыр- влак Мордовийыште Росстанье ден Барановка ял- влакым аралат

                 Марий Элысе тулпатыр- влак Мордовийыште Росстанье ден Барановка ял- влакым аралат. Мордовийысе кугыжаныш пӱртӱс заповедникыште тул тыгак осаллана. Тул пижме нерген икымше увер 3-шо августыштак пурен. Тудо вашке шарлаш тӱҥалын да ял- влаклан лӱдыкшым луктын. Темниковский район кумдыкышто «Чрезвычайный ситуаций» режимым 5-ше августышто пуртымо. МЧС-ын Марий Элысе тӱҥ виктемжын группировкыжым тул ваштареш кучедалаш 7-ше август кастене колтымо. 8-ше августышто 64 еҥ да 10 технике Мордовийысе МЧС тӱҥ виктемыш ушнен. Марий тулпатыр- влак Темниковский районысо Росстанье да Угарман областьысе Барановка яллам тул деч авырен шогат. Мордовийын, Угарман, Пенза, Ульяновск областьлан, Чуваший да Марий Элын аэромобильный группировкышт, доброволец- влак чылаже- тӱжемат нылшӱдӧ еҥ да 280 технике тул ваштареш кучедалеш.