Изи класслаште тунемше чыла йоча шокшо кочкышым яра кочкаш тӱҥалеш
У тунемме ийыште тӱҥалтыш класслаште тунемше 37 тӱжемат 680 икшыве шокшо кочкышым яра кочкаш тӱҥалеш. Кызыт школ- влак у тунемме идалыклан ямдылалтыт, йоча- влакым пукшымо йодышат ӧрдыжеш ок код. Врач иктаж йочалан посна менюм палемден гын, нунымат тӱткыш деч посна огыт кодо. Йоча- влакым пукшаш ямдылалтме годым школ- влак ача-ава- шымычын икшывышт нерген пуымо уверым, йочан тазалыкшым шотыш налыт, врачын возен пуымыж почеш улшо кочкыш сату гыч посна менюм ямдылат. Йочалан эмлыше да диетический кочкыш кӱлеш гын, мӧҥгӧ гыч кондымо кочкышымат кочкаш лиеш.