Мордовийыште тулым йӧртышӧ- влак мӧҥгӧ пӧртылыныт

                     Мордовийысе заповедникыште тулым йӧртышӧ МЧС-ын пашаеҥже- влак мӧҥгӧ пӧртылыныт. Аэромобильный группировкылан командировко 8-ше августышто тӱҥалын. 64 еҥ да 10 технике Мордовийысе МЧС дене пырля тулым йӧртымаште тыршеныт, шындыме задачым тӱрыс шуктеныт. Марий Элысе МЧС пресс-службын увертарымыж почеш, заповедникыште йӧртымӧ да эҥгекшым кораҥдыме паша умбакыже шуйна. Ушештарена: Марий Эл гыч утарыше Дмитрий Рожков тулым йӧртымӧ годым сусырген, кызыт лӱдыкшӧ уке.