Главпочтамтын историйже нерген ончер почылтын
Йошкар-Олаште главпочтамтын историйже нерген ончер почылтын. «Связь пӧрт- Главпочтамт» лӱман экспозиций лӱмгечылан пӧлеклалтын. Тений Почтын зданийжылан 90 ий темын. Тудын негызшым Марий автоном областьын 10 ийжым палемдыме годым 1931-ше ий 15-ше июньышто пыштыме. 30-шо ийласе эн кӱкшӧ зданийын тӱсшӧ эре вашталт толын. Тидым фотосӱретла гыч ужаш лиеш. Ончерын материалже- влак тӱрлӧ ийласе историй тат- влак дене палдарат. Выставка Советский уремысе 140-ше пӧртыштӧ 8 гыч 22 шагат марте пашам ышта, каныш кечылаште 9 гыч 18 шагат марте мияш лиеш.