Йошкар-Ола гыч Российын спорт мастерже парашют дене тӱжем гана тӧрштен

               Йошкар-Ола гыч Российын спорт мастерже парашют дене тӱжем гана тӧрштен. Марий Элысе парашют спорт федерацийым вуйлатыше Ольга Сысоева шкенжын тӱжемыше тӧрштымашыжым Физкультурникын кечыжлан пӧлеклен. Южо еҥлан ик гана тӧршташат лӱдыкшӧ. А тудо тӱжем гана самолёт гыч южыш тӧрштен лектын. А шукерте огыл тудо Российын спорт мастерже нормативым шуктен. Кӱкшӧ лектышым тудо Российын Геройжо Марк Евтюхин лӱмеш парашют спорт дене Россий кӱкшытан таҥасымашыште ончыктен.