Чодыраште йомшо ӱдырамашым кычал мумо
Курык марий районышто утарыше- влак чодыра гыч йомшо ӱдырамашым луктыныт. 45 ияш верысе ӱдырамаш чодыраште корным йомдарен. Тидын нерген увер кечывалым иктаж 11 шагатат 30 минутлан пурен. Красное Иваново ял гыч кок еҥ эр эрденак велосипед дене чодыраш модым погаш каеныт. Пӧръеҥже ончыч кудалын. Савырнен ончалмекыже ӱдырамашым йомдарен. Шке кычал муын огыл. Тыге кычалмашке Юринысе утарыше группа ушнен. Нуно чыла кундемым аклен лектыныт. Иктаж 16 шагат гутлаште ӱдырамашым муыныт. Тудо корнывожышто шортын шинча улмаш, йоҥылыш вес велышкыла кудалын,- умылтарат утарыше- влак.