Кукнурышто футбол дене турнир эртен

                 Кукнурышто футбол дене турнир эртен. Таҥасымаш «Йоча спорт» проект кышкарыште лийын. Тиде проект да кудывечысе футболын Россий кӱкшытан фестивальже кышкарыште кудывечысе футбол дене Кукнурышто таҥасымашым эртарыме. Тушто рвезе да ӱдыр- влакын командышт модыныт. Учашымаш пеш пӱсӧ да оҥай лийын. Кажныже еҥ капкаш мечым пурташ тыршен. Тиде спорт акций самырык тукымым тазаҥдаш, таза илыш йӱлам вияҥдаш, йоча- влакым спорт деке ушаш манын эртаралтеш. Кугу футбол кудывече ден уремла гыч тӱҥалеш, маныт. Можыч нунын кола гыч иктажше вара ончыкыжым лӱмлӧ футболист лиеш, - ойла Шернурысо физкультура рӱдерым вуйлатыше Анна Шкалина.