Йошкар-Олан шочмо кечыже
Йошкар-Олан кечыже лӱмеш Эрик Сапаев лӱмеш опера да балет театрыште пайрем мероприятий эртен. Погынышо калыкым Республикым вуйлатыше Александр Евстифеев саламлен. Тудо олан вияҥын толмыжо, чоҥымо паша- влак, транспорт паркын уэммыже, тошто пӧртла гыч калыкым кусарыме, виктарен колтымо паша- влак нерген ойлен.
Пайрем кечын икмыняр еҥ кугыжаныш награде дене палемдалтын. «Россий Федерацийын сулло врачше» Чап лӱмым оласе эмлыме верын врач- анестезиолог- реаниматологшо, анестезиологий пӧлкам вуйлатыше Валентин Верхневлан пуымо. «Казанский посад» ушем директорын алмаштышыже Анатолий Савельев «Марий Элын сулло чоҥышыжо» лӱм дене палемдалтын. Правительствын Чап грамотыжым оласе 27-ше школын туныктышыжо Елена Павловскаялан пуымо. Республикым вуйлатышын тауштымашыжым «Мостремстройын» кранын машинистше Валерий Михайлов, «Марий Эл Дорстрой» ушемын асфальтым шарыше тракторын машинистше Михаил Калачёвлан увертарыме. Йошкар-Олаште 2021-ше ийысе Сеҥымаш Парадын участникше шарнымашан палым Ургаш посёлкысо лицей-интернатын ОБЖ предметым туныктышо Вениамин Богомоловлан кучыктымо. Погынышо- влакым тыгак олан мэрже Евгений Маслов ден ола округым вуйлатыше Виктор Кузнецов саламленыт. Тудыжо «Йошкар-Олан Почётан гражданинже» орденым профессор, Йошкар-Олан депутатше Наталья Моровалан кучыктен.
Пайрем кечын икмыняр еҥ кугыжаныш награде дене палемдалтын. «Россий Федерацийын сулло врачше» Чап лӱмым оласе эмлыме верын врач- анестезиолог- реаниматологшо, анестезиологий пӧлкам вуйлатыше Валентин Верхневлан пуымо. «Казанский посад» ушем директорын алмаштышыже Анатолий Савельев «Марий Элын сулло чоҥышыжо» лӱм дене палемдалтын. Правительствын Чап грамотыжым оласе 27-ше школын туныктышыжо Елена Павловскаялан пуымо. Республикым вуйлатышын тауштымашыжым «Мостремстройын» кранын машинистше Валерий Михайлов, «Марий Эл Дорстрой» ушемын асфальтым шарыше тракторын машинистше Михаил Калачёвлан увертарыме. Йошкар-Олаште 2021-ше ийысе Сеҥымаш Парадын участникше шарнымашан палым Ургаш посёлкысо лицей-интернатын ОБЖ предметым туныктышо Вениамин Богомоловлан кучыктымо. Погынышо- влакым тыгак олан мэрже Евгений Маслов ден ола округым вуйлатыше Виктор Кузнецов саламленыт. Тудыжо «Йошкар-Олан Почётан гражданинже» орденым профессор, Йошкар-Олан депутатше Наталья Моровалан кучыктен.