Газовик- влак тоштемше газ вынемым у оборудований дене алмаштат

                     Газовик- влак тоштемше газ вынемым у оборудований дене алмаштат. 2023-шо ий марте чылаже 190 вынемым кораҥдышаш улыт. Таче кечылан «Газпром газораспределение Йошкар-Ола» предприятийын специалистше- влак 166 объектыште пашам мучашленыт. Волжскышто чыла пытареныт, Козьмодемьянскыште 6 кодын, Йошкар-Олаште 18-ым кораҥдыман. Калыклан йӧндымӧ ынже лий манын пашам виктарен колтат, илыме пӧрт, коммунал да быт предприятий, социал объектлаш газым пуымым шагалрак жаплан чараш манын тыршат. Южо вереже у оборудованийым кучылтмылан кӧра, газым йӧртыде пашам шуктат. Вынемым пытарымаш икмыняр задачым решатлаш полша. Тиде- газым ӱшанлын пуаш, калыклан лӱдыкшыдымым ышташ, оласе кумдыкым йӧнанракым ышташ полша.
Фото: https://www.gazprom.ru/